TITLE: NAKUPENDA MADAM
SEHEMU ya pili.
SAUTI ya kilio cha
mwalimu Magdalena ilimshtua John, akakimbia mlangoni katika nyumba ya mwalimu akaanza
kugonga ili kumtuliza mwenyekiti asitekeleze anachotaka kwa mwalimu Magdalena.
“N” aliendelea kuita mwalimu Magdalena huku mlango ukizidi kugongwa na
kusababisha hali ndani ya chumba cha mwalimu huyo kuwa kimya
“Sasa ole wako umwambie
mimi nipo humu ndani, kaongee naye umwambie hakuna kilichotokea bali ulikuwa
unakumbuka kifo cha ndugu yako ndiyo maana unalia,’’ alitishia mwenyekiti akimtaka mwalimu Magdalena
akafungue mlango na kuzungumza na mtu aliyepo hapo wakati akiwa amejificha
chini ya uvungu wa kitanda.
Mwalimu Magdalena
alikimbia kwa haraka huku akiwa ameshika kanga yake kifuani, hakujali namna alivyokuwa
akionekana kutokana na kuwa na kanga moja aliyoifunga juu ya matiti yake yenye
ushawishi mkubwa kwa wanaume.
Alipofungua mlango
hakukutana na mwingine zaidi ya mwanafunzi John ambaye anampenda sana na ndiye
aliyemsababishia hadi mwenyekiti amkute akiwa katika nguo moja.
‘Mwalimu nimesikia kila
kitu, hivi kweli kwa kuwa nimekataa ndiyo uingize mwanaume mwingine,
sijakudhania mwalimu kumbe una tabia za kishenzi hivyo,’’ John alimweleza
mwalimu Magdalena aliyekuwa akimwangalia bila kujibu, roho ilimuuma akashindwa
kujibu lolote zaidi ya kutoka machozi.
John hakujali machozi
ya mwalimu Magdalena, aliondoka kwa haraka huku akimrushia maneno machafu
mwalimu wake huyo aliyeonekana kuzidi kuingiwa na huzuni, kwani alifikiria
kurudi ndani angekutana na mwenyekiti aliyekuwa na uchu wa kumbaka na
mwanafunzi aliyekuwa akimpenda ndiyo hivyo amemjibu hovyo.
Mwalimu Magdalena
alijifikiria kwa zaidi ya dakika 10 akajikuta akiishiwa nguvu taratibu
aliposimama katika mlango akakaa chini kwa hasira alizokuwanazo machozi
yalizidi kumtoka.
Mwenyekiti aliita kwa jazba
akimtaka mwalimu Magdalena arudi ndani ili atimize alichokusudia, lakini kila
sauti ya ukali ya mwenyekiti ilipomwita mwalimu Magdalena akajikuta akiingiwa
na ujasiri akasimama na kumtaka mwenyekiti atoke nje ya chumba chake.
“Mwenyekiti
nimekuvumilia vya kutosha, nimekuheshimu vya kutosha na pia umenidhalilisha vya
kutosha, naomba utoke kwangu kabla sijafanya maamuzi magumu tokaaaa…’’ alifoka
mwalimu Magdalena huku akikifuata kilipo kisu
Sauti hiyo ilimtisha mwenyekiti,
hakufikiria kama mwalimu huyo angeweza kubadilika, hivyo aliiangalia sura ya
mwalimu Magdalena ilikuwa ikibadilika taratibu, tabasamu lake lilianza kupotea
ndita zikaanza kujitokeza, mikono yake iliyokuwa imeshika kisu ilianza
kutetemeka kiasi cha kumtisha mwenyekiti, kwa haraka akavuta shati lake
lililokuwa juu ya kitanda cha mwalimu Magdalena akaliweka begani na kutoka kwa
haraka.
“Naondoka lakini na
wewe jiandae kuondoka, siwezi kukaa na aibu lazima nawe uondoke kijijini kwangu
mi ndiyo mwenyekiti,’’ alijinadi mwenyekiti huku akiwa ameshika mlango tayari
kwa kuondoka, mwalimu Magdalena hakujibu kitu zaidi ya kumuangalia kwa sura ya
ukali.
Mwenyekiti alipotoka
hali ya mwalimu Magdalena ilirudi taratibu lakini mawazo yake yote yalielekea
kwa mwanafunzi John, alifikiria namna ya kumpata kabla haijafika siku ya pili
na akaanza kusambaza taarifa zake ambazo hazikuwa za kweli.
Kwa haraka akavaa nguo
zake akatoka na kwenda nyumbani kwa John, hakujali muda alitembea kwa umbali
gani wala alikutana na nani, alichokuwa akikifikiria ni kukutana na John na
kuzungumza naye ili tofauti zao ziwe katika muafaka.
Alifika karibu na
nyumba ya kina John akatumia nafasi yake ya ualimu akamuomba John wakasogea
karibu ya nyumba yao na kuzungumza.
“John sikiliza wewe siyo
mtoto kihivyo, unavyonifanyia sijapenda mimi ni binadamu naumia au kwa kuwa
nimekuonyesha nakupenda,’’ alijieleza mwalimu Magdalena lakini John alikuwa
kimya
“Nazungumza nawe John
mbona hata haunijibu kwa nini hivyo, sikiliza mimi sikufanya chochote na mwenyekiti
wala sikumuita wakati ulipoondoka ghafla nikasikia mlango ukifunguliwa na
unajua uliniacha nikiwa katika mazingira gani hivyo nikajua kwamba ni wewe
umerudi na giza la ndani sikuweza kuona nilidhani wewe John lakini sauti na
mikono iliponigusa nikagundua siyo wewe kumbe alikuwa mwenyekiti ameingia
akitaka kunibaka na pale ulipokuja kugonga ukawa umenisaidia asiweze kutimiza azma
yake, nashukuru kwa kurudi tena lakini kama utanifikiria vibaya Mungu anajua, ninakuhakikishia
sikufanya lolote na mwenyekiti,’’ anasema mwalimu Magdalena, taratibu machozi
yalimtoka akamuangalia John naye machozi yalimtoka, akainuka na kumfuata
mwalimu Magdalena akaanza kumfuta machozi.
Wakati mwalimu
Magdalena anasimama ili amshukuru John kwa kumkumbatia, baba yake John anamuona
akifanya hivyo, anakasirishwa na jambo hilo anawasogelea.
Nini
kitaendelea, hivi baba yake John atafanya nini? je,watakachomweleza
atakielewa? na vipi kuhusu mwenyekiti atafanikiwa niya yake ya kumwondoa
kijijni mwalimu magdalenae.itandelea usikose...
0 Comments:
Post a Comment